5 ວັດ ທີ່ຢູ່ນອກເສັ້ນທາງຫຼັກ

ຫຼວງພະບາງ ເປັນເມືອງທີ່ມີຊື່ສຽງທາງດ້ານວັດວາອາຮາມທີ່ມີຄວາມງົງດາມ, ໃນຊ່ວງລະດູການທ່ອງທ່ຽວ ນັກທ່ອງທ່ຽວມັກໄປທ່ຽວຊົມ ວັດຊຽງທອງ, ວັດແສນ, ແຕ່ຖ້າທ່ານມີຄວາມສົນໃຈກ່ຽວກັບວັດ ຍັງມີວັດທີ່ເກົ່າແກ່ທີ່ໜ້າສົນໃຈອີກຫຼາຍໆວັດໃນຕົວເມືອງ ທີ່ທ່ານອາດຍັງບໍ່ທັນໄດ້ເຫັນ.

1. ວັດອາຮາມ

wat-aham-luangprabang-laos

ເປັນສະຖານທີ່ມີຄວາມສະຫງົບ, ຊ່ວງເຮັດໃຫ້ຈິດໃຈສະຫງົບ, ຢູ່ຕິດກັບວັດວິຊຸນ, ເປັນວັດທີ່ເກົ່າແກ່ ແລະ ມີຊື່ສຽງໃນຫຼວງພະບາງ, ຖືກສ້າງຂຶ້ນທຳອິດໃນປີ ຄ.ສ 1527 ແລະ ສ້າງຂຶ້ນຄືນໃໝ່ ໃນປີ ຄ.ສ 1818 ມີລັກສະນະເປັນເຈດີຕັ້ງຢູ່ດ້ານໜ້າຂອງອາຮາມທີ່ເກັບຮັກສາກະດູກຂອງຄົນທີ່ລິດເດດອິດທິພົນຈາກອາດີດ, ສິ່ງທີ່ເຮັດໃຫ້ວັດແຫ່ງນີ້ມີເອກກະລັກທີ່ໂດດເດັ່ນແມ່ນຮູບປັ້ນຍັກໃຫ່ຍສອງໂຕ ແລະ ຕົ້ມປາມຂະໜາດໃຫ່ຍທີ່ກວມເອົາພື້ນທີ່ໃນບໍລິເວນວັດ, ຖ້າທ່ານກຳລັງຊອກຫາບ່ອນຍ່າງທີ່ຮົ່ມເຢັນຂອງວັດ ນີ້ແມ່ນສະຖານທີ່ ທີດີທີ່ສຸດ. ຕົ້ນໄມ້ນີ້ບໍ່ພຽງແຕ່ສວຍງາມເທົ່ານັ້ນ ແຕ່ມັນຍັງມີຄວາມໝາຍ ດ້ານວັດທະນະທຳຂອງເມືອງ ດັ່ງທີ່ປະຊາຊົນເຊື່ອກັນວ່າຕົ້ນໄມ້ນີ້ເປັນທີ່ຢູ່ອາໄສຂອງເທວະດາຫຼວງ ຫຼືເທບພະເຈົ້າຍາດາອາລັກ ຜູ້ທີ່ຄອຍປົກປັກຮັກສາຊາວເມືອງໃຫ້ຢູ່ເຢັນເປັນສຸກ, ກະສັດໃນອະດີດໄດ້ນຳເອົາເບ້ຍໄມ້ມາຈາກປະເທດອິນເດຍໃນປີ 1950 ແລະ ໄດ້ນຳມາປູກໃນພື້ນທີ່ວັດ.

2. ວັດພະບາດໃຕ້

wat-phrabathtai-luangprabang-laos

ການປະສົມປະສານຂອງສະຖາປັດຕະຍະກຳລາວ ແລະ ຫວຽດນາມ ວັດທີ່ມີຄວາມງົດງາມແຫ່ງນີ້ເປັນວັດໜື່ງ ໃນບັນດາວັດທີ່ມີເອກະລັກສະເພາະທີ່ສຸດໃນຫຼວງພະບາງ. ພາຍໃນວັດປະກອບດ້ວຍຫ້ອງໂຖງໃຫຍ່ ເຊິ່ງເປັນຫ້ອງນັ່ງສະມາທິ, ຫ້ອງໂຖງສີ່ຫລ່ຽມເປັນບ່ອນປະດິດສະຖານຂອງພະພຸດທະຮູບນອນສີທອງ. ຢູ່ທາງຫລັງຂອງວັດທ່ານຈະເຫັນຂັ້ນໄດຍ່າງໄປຫາລະບຽງຂະໜາດນ້ອຍທີ່ສາມາດເບີ່ງເຫັນແມ່ນໍ້າຂອງ ເຊິ່ງເໜາະສຳລັບເບີ່ງພະອາທິດອັດສະດົງ ແລະໃນດ້ານດຽວກັນທ່ານຈະເຫັນຮອຍຕີນພະພຸດທະບາດຂະໜາດໃຫ່ຍ ແລະ ຖໍ້າຄອນກຣີດຂະໜາດນ້ອຍທີ່ສ້າງຂື້ນເພື່ອປົກຫຸ້ມ, ປະຊາຊົນມັກຈະມາຂໍພອນທີ່ນີ້.

3. ວັດປ່າໂພນເພົາ

Luang Prabang_laos

ເຖິງວ່າວັດນີ້ບໍ່ໄດ້ເປັນຈຸດເດັ່ນທີ່ກ່ຽວຂ້ອງກັບທາງປະຫວັດສາດ ແລະ ຄວາມເກົ່າແກ່, ແຕ່ວັດປ່າໂພນເພົາແມ່ນມີຈຸດເດັ່ນດ້ານທັດສະນິຍະພາບຂອງວັດເຊິ່ງຕັ້ງຢູ່ເທິງພູສູງສາມາດເບິ່ງເຫັນໄດ້ຈາກໃຈກາງເມືອງ ເຊິ່ງສ່ອງແສງດ້ວຍສີທອງຕະຫຼອດວັນ, ອາຄານວັດປະກອບດ້ວຍລະບຽງ ທີ່ມີແປດຫຼ່ຽມສວຍງາມ ແລະວົງປ່ອງຢ້ຽມປະດັບປະດາ – ຍອດແຫຼມຂອງອາຄານເປັນສີທອງ ພາຍໃນວັດທ່ານຈະພົບເຫັນຮູບແຕ້ມທີ່ເຕັມໄປດ້ວຍເລື່ອງລາວຕ່າງໆ ໂດດເດັ່ນແມ່ນຮູບສີຟ້າເລື່ອງທີ່ກ່ຽວກັບສະຫວັນ ແລະ ນະລົກ. ວັດແຫ່ງນີ້ປົກຄຸມໄປດ້ວຍປ່າໄມ້ທໍາມະຊາດ, ບັນຍາກາດງຽບສະຫງົບດີ, ເວລາໄປທ່ຽວຊົມຈະເຮັດໃຫ້ທ່ານຮູ້ສຶກຜ່ອນຄາຍໄດ້, ຕອນຍາມແລງຊົມພະອາທິດໃກ້ອັດສະດົງ, ຖ່າຍຮູບເກັບໄວ້ເປັນທີ່ລະນຶກ ເຊິ່ງເປັນສະຖານທີ່ ທີ່ບໍ່ຄວນພາດ.

4. ວັດທາດຫຼວງ

wat-thatluang-luangprabang-laos

ວັດທາດຫຼວງ ຫຼືເອີ້ນວ່າວັດເຈດີຫຼວງ ເຊິ່ງມີສາຍພົວພັນອັນເລິກເຊິ່ງກັບພະລາສະວົງ(ເຈົ້່າຊີວິດ) ເຊື່ອກັນວ່າເປັນວັດທຳອິດຂອງຫຼວງພະບາງທີ່ເຄີຍຕັ້ງຢູ່ນີ້. ເຊິ່ງຕັ້ງຢູ່ດ້ານຫຼັງສະໜາມກິລາເກົ່າທີ່ມີເນື້ອທີ່ກວ້າງຂວາງ ຫຼື ເອີ້ນວ່າເດີ່ນທາດຫຼວງ, ອາຄານວັດໃນປະຈຸບັນໄດ້ຖືກສ້າງຂຶ້ນໂດຍເຈົ້າຊີວິດມັງທາລາດໃນປີ ຄ.ສ 1818 ເຖິງປີ 1975, ສະຖານທີ່ດັ່ງກ່າວໃນເມື່ອກ່ອນແມ່ນຖືກນຳໃຊ້ເປັນບ່ອນຝັງສົບ ແລະ ການຈູດເຜົາສົບຂອງຜູ້ນຳສູງສຸດຂອງປະເທດ, ເນື່ອງຈາກວັດນີ້ມີພະສົງ ແລະ ສຳມະເນນອາໄສຢູ່ເປັນຈຳນວນຫຼາຍ ຈື່ງເປັນສະຖານທີ່ ທີນິຍົມສຳລັບການໄປເບີ່ງພິທີກຳທາງສາສະໜາ ແລະ ຊີວິດປະຈຳວັນຂອງພະສົງ, ສຳມະເນນ, ຢູ່ດ້ານໜ້າຂອງວັດມີຫໍຄອຍສູງ ໃນເວລາ 4 ໂມງເຊົ້າຂອງມື້ຂື້ນ 15 ຄໍ່າ ແລະ ມື້ແຮມ 15 ຄໍ່າ ສຳມະເນນຈະຕີກອງຫຼວງ, ຖ້າທ່ານມາທ່ຽວຊົມໃນຊ່ວງເດືອນສິງຫາ-ກັນຍາ ກ່ອນງານບຸນຊ່ວງເຮືອປະເພນີ ທ່ານຈະໄດ້ເຫັນປະຊາຊົນພາກັນສ້ອມແປງເຮືອ ແລະ ການແຕ້ມລວດລາຍເຮືອຢ່າງສວຍງາມ.

5. ວັດມະໂນ

wat-mano-luangprabang-laos

ນັກທ່ອງທ່ຽວສ່ວນຫຼາຍຈະເບິ່ງຂ້າມວັດມະໂນຣົມໄປ, ຍ້ອນວັດນີ້ບໍ່ຕັ້ງຢູ່ໃກ້ກັບເສັ້ນທາງໃຫຍ່ ແຕ່ທີ່ຈິງແລ້ວແຫ່ງນີ້ເຄີຍເປັນບ່ອນປະດິດສະຖານຂອງພະພຸດທະຮູບເກົ່າແກ່ທີ່ສຸດໃນປະເທດ ແລະເປັນທີ່ຮູ້ຈັກກັນດີໃນຊື່ພະບາງ, ເຊື່ອວ່າໄດ້ສ້າງຂື້ນໃນປີ 1378 ໃນໄລຍະທຳອິດອົງພະບາງມີນໍ້າໜັກ 12 ໂຕນ ກ່ອນທີ່ອົງພະບາງຈະຖືກທຳລາຍບາງສ່ວນ ໃນລະຫວ່າງທີ່ຫໍ່ທຸງດຳເຂົ້າມາຮຸກຮານເມືອງ ໃນປີ 1887 ແລະ ໃນໄລຍະການຕໍ່ສູ້ໃນທ້າຍສັດຕະວັດທີ່ 19 ຝຣັ່ງເສດ-ສະຫຍາມ ມີຂ່າວລືກັນວ່າແຂນຂອງ, ມີຂ່າວລືວ່າແຂນຂອງພະພຸດທະເຈົ້າອົງດັ້ງເດີມຖືກຊາວຝຣັ່ງເສດຍຶດໄປຄອບຄອງ ແລະ ເມື່ອວັດຖືກບູລະນະສ້ອມແປງຄືນໃນປີ 1972 ແຂນໃໝ່ຂອງພະພຸດທະຮູບກໍ່ໄດ້ຖືກສ້າງຂື້ນດ້ວຍປູນຊີເມັນ ແລະ ຮູບປັ້ນຖືກຫໍ່ຫຸ້ມເພື່ອປົກປັກຮັກສາໄວ້ໃນອານາຄົດ.