ກິດຈະກໍາ

ກິດຈະກໍາ


ຖ້າຫາກທ່ານຕ້ອງການເຮັດຈະກໍາຕ່າງໆບໍ່ວ່າຈະເປັນຂີ່ຊ້າງ, ໂອ່ນສະລິງ ຫຼືພາຍເຮືອຄາຢັກ ມີກິດຈະກໍາຫຼາກຫຼາຍທີ່ເຮັດທ່ານເພີດເພີນໄດ້ໃນເມືອງແຫ່ງນີ້.

ກິດຈະກໍາຂີ່ຊ້າງ

ລອງມາເປັນກວານຊ້າງເບິ່ງຈັກມື້ ອາບນໍ້າໃຫ້ຊ້າງ ໃຫ້ອາຫານຊ້າງ ຫຼື ຂີ່ຊ້າງ, ມີໝູ່ບ້ານຊ້າງຈໍານວນຫຼາຍທີ່ໜ້າສົນໃຈໃນຫຼວງພະບາງ, ທາງສູນອານຸລັກຊ້າງຈະໃຫ້ສັດຕະວະແພດເບິ່ງແຍງດູແລຊ້າງໂດຍກົງ ແລະໃຫ້ຄວາມຮູ້ກ່ຽວກັບວິທີການສໍາລັບກວານຊ້າງໃນການຫາລ້ຽງຊີບໃຫ້ຊ້າງມີຊີວິດ ແລະສຸຂະພາບທີ່ດີ

ຂີ່ສະລິງ

ນໍ້າຕົກຕາດຮ້ອຍຄົວ ສວນນໍ້າດົງ ແລະນໍ້າຕົກຕາດແສ້ ມີສະຖານທີ່ສໍາລັບໂອ່ນສະລິງ ສູງປະມານ 10 ແມັດ, ປະຈົນໄພເທິງນໍ້າ, ໂອ່ນສະລິງຜ່ານຕົ້ນໄມ້ ແລະນໍ້າຕົກຕາດ ໃນທ່າມກາງບັນຍາກາດທໍາມະຊາດ.


ພາຍເຮືອກາຢັກ

ນໍ້າຄານ ເປັນແມ້ນໍ້າທີ່ເໝາະສໍາລັບການລ່ອງເຮືອກາຢັກ ທ່ານສາມາດຊົມທິວທັດທໍາມະຊາດ, ຊົມວິຖີຊີວິດຂອງຊາວ ບ້ານຕາມແຄມນໍ້າໄດ້, ລາຍການທົວພາຍເຮືອຄາຢັກຈະເລີ່ມຕັ້ງແຕ່ນໍ້າຄານຈົນເຖິງນໍ້າອູ


ການເຮັດນາ

ຖ້າທ່ານ ຫຼື ຄອບຄົວຢາກສໍາຜັດວິທີການເຮັດນາ, ເລີ່ມຕັ້ງແຕ່ການເລີ່ມກ້າໄປຈົນເຖິງເກັບກ່ຽວ, ທ່ານສາມາດເຮັດໄດ້ທີ່ນີ້, ຕອນເຊົ້າໃນເມືອງຫຼວງພະບາງທ່ານສາມາດສໍາຜັດຮູບແບບການເຮັດນາແບບດັ້ງເດີມ, ຂະບວນການໄຖນາດ້ວຍຄວາຍ, ການດຳນາ, ການເກັບກ່ຽວ, ການແຍກເຂົ້າອອກຈາກແກບ ຫຼືຕໍາເຂົ້າ, ແນ່ນອນວ່າຄຽງຄູ່ກັບການເຮັດນາຍັງມີວຽກທີ່ຄວບຄູ່ກັນ

ການຍ່າງປ່າ

ການຍ່າງປ່າເປັນກິດຈະກໍາທີ່ທ້າທາຍຢ່າງໜຶ່ງ ເພາະເປັນເສັ້ນທາງທີ່ຕ້ອງໄດ້ປະເຊີນ ບາງຄັ້ງເຮົາກໍບໍ່ຮູ້ເສັ້ນທາງເປັນແນວ ໃດ ແຕ່ຜົນຕອບຮັບກໍ່ຄຸ້ມຄ່າທີ່ຈະກ້າສ່ຽງ, ເສັ້ນທາງຍ່າງປ່າໃນປະເທດລາວຈະເຮັດໃຫ້ທ່ານໄດ້ສໍາຜັດກັບວິຖີຊີວິດແບບຊົນນະບົດ, ຈະໄດ້ເຫັນພູຜາ, ທົ່ງໄຮ່ເຂົ້າ, ຮ່ອມພູ.



ກິດຈະກໍາລອຍນໍ້າ

ຍ້ອນມີການປົກປັກຮັກສາມໍລະດົກໂລກ ແລະປະເພນີທີ່ເກົ່າແກ່ຢູ່ໃຈກາງເມືອງຫຼວງພະບາງ ຈຶ່ງໃຫ້ມີສະລອຍນໍ້າຢູ່ສະເພາະບໍລິເວນອ້ອມແອ້ມຕົວເມື່ອງເທົ່ານັ້ນ, ແຕ່ຢ່າງໃດກໍຕາມຍັງມີສະລອຍນໍ້າບາງແຫ່ງ ລວມທັງສະລອຍນໍ້າຂະໜາດໃຫຍ່ຢູ່ສະໜາມກິລາໃນຮົ່ມຂອງແຂວງທາງໄປຂົວນໍ້າຄານ (ໃໝ່) ໄປທາງສະໜາມບິນ, ສະລອຍນໍ້າສ່ວນໃຫຍ່ຈະມີຄ່າບໍລິການ.

ການຫຼິ້ນກອ໊ບ

ສະໜາມກອຟມີຄວາມຫຼູຫຼາ, ມີອຸປະກອນຄົບວົງຈອນໃຫ້ເຊົ່າ, ເປີດໃຫ້ບໍລິການທຸວັນ, ສະໜາມກອຟ 9 ຂຸມແລກ ມີຄວາມງ່າຍເໝາະສົມສໍາລັບຜູ້ຮຽນຫຼິ້ນ, 9 ຂຸມສຸດທ້າຍຕ້ອງມີຄວາມພະຍາຍາມຫຼາຍຂຶ້ນຕື່ມ, ແຕ່ເດືອນມີນາ ເຖິງ ເດືອນມິຖຸນາ ຕອນເຊົ້າເປັນຊ່ວງເວລາທີ່ດີທີ່ສຸດ ກ່ອນອາກາດຈະຮ້ອນເກີນໄປ.

ຂີ່ລົດຈັກປະຈົນໄພ

ຖ້າທ່ານຕ້ອງການປະສົບການທີ່ທ້າທາຍຕົວເອງ ຕ້ອງລອງຂີ່ລົດຈັກປະຈົນໄພຈັກຄັ້ງໜຶ່ງ, ນີ້ກໍເປັນອີກກິດຈະກໍາໜຶ່ງສໍາການເດີນທາງ, ກິດຈະກໍານີ້ເຮັດໃຫ້ທ່ານມີໂອກາດສ້າງຄວາມສໍາພັນກັບຊາວບ້ານໃນໝູ່ບ້ານນ້ອຍໆ ຕາມເສັ້ນທາງທ່ອງທ່ຽວໄດ້.


ກິດຈະກໍາປັ່ນລົດຖີບ

ການທ່ຽວຊົມຕົວເມືອງຫຼວງພະບາງດ້ວຍລົດຖີບ ເປັນທາງເລືອກທີ່ດີຫຼາຍ, ສະຖານທີ່ສວຍງາມ ແລະ ມີໂອກາດໄດ້ສໍາຜັດກັບວິຖີຊີວິດ, ສໍາຜັດກັບອາຊີບຂອງຄົນໃນໝູ່ບ້ານ ແລະຄວາມຫຼາກຫຼາຍຂອງພູມປັນຍາຊາວບ້ານ.