ສິລະປະ

ສິລະປະ


ການຕໍ່າຫູກທໍໄໝ, ການຈັກສານ, ເຄື່ອງປັ້ນດິນເຜົາ ສີໄມ້ລາຍມືຂອງຄົນໃນທ້ອງຖິ່ນ ມີຫຼາຍສິ່ງຫຼາຍຢ່າງທີ່ໜ້າຄົ້ນຫາ ຈະເຮັດໃຫ້ທ່ານຫຼົງໄຫຼໃນສີລະປະ.

ຕະຫຼາດກາງຄືນ

ຕະຫຼາດກາງຄືນໃນຕົວເມືອງຫຼວງພະບາງເປັນສະຖານທີ່ ທີ່ທ່ານບໍ່ຄວນພາດ ຈະຕ້ອງໄປໃຫ້ໄດ້, ມີຜະລິດຕະພັນທາງດ້ານຫັດຖະກໍາທີ່ຫຼາກຫຼາຍ ຈາກພໍ່ຄ້າແມ່ຄ້າຫຼາຍກວ່າ 250 ຄົນ ທີ່ໄດ້ມາຈໍາໜ່າຍສິນຄ້າທີ່ເຮັດດ້ວຍມື ທີ່ມີຄວາມປາ ນີດ, ໃນຕະຫຼາດແຫ່ງນີ້ມີຜະລິດຕະພັນທາງດ້ານຫັດຖະກໍາທີ່ມີຄວາມຫຼາກຫຼາຍ ເຊິ່ງມາຈາກຫຼາຍກຸ່ມຊົນເຜົ່າ

ການຕໍ່າແຜ່ນ

ທ່ານຈະໄດ້ເຫັນປະເພດຜ້າແພທີ່ມີທັງຄວາມສວຍງາມ ແລະເຕັກນິກທີ່ແຕກຕ່າງກັນຂອງແຕ່ລະຊົນເຜົ່າພາຍໃນປະເທດ, ຖ້າຍ່າງເລາະຕາມຕະຫຼາດກາງຄືນ ທ່ານຈະເຫັນປະເພດຜ້າທີ່ຫຼາກຫຼາຍຈາກຫຼາຍຊົນເຜົ່າບໍ່ວ່າຈະເປັນມົ້ງ, ກຶມມຸ, ອາຄາ, ໄທລື້ ແລະ ເຜົ່າອື່ນໆ.


ເຈ້ຍປໍສາ

ເຈ້ຍສາເຮັດມາຈາກເປືອກປໍສາ ທ່ານສາມາດທ່ຽວຊົມບ້ານທີ່ຜະລິດເຈ້ຍປໍສາ ແລະ ການຕໍ່າແຜນແບບດັ້ງເດີມ, ການທ່ຽວຊົມບ້ານຊຽງເຫຼັກ ແລະບ້ານຊ່າງຄ້ອງ ຈະເຮັດໃຫ້ທ່ານເຂົ້າໃຈຂັ້ນຕອນການເຮັດເຈ້ຍປໍສາ ແລະການຕໍ່າແຜ່ນຫຼາຍຂຶ້ນ.


ເຄື່ອງປັ້ນດິນເຜົາ

ບ້ານຈ່ານ (ບ້ານຫັດຖະກໍາເຄື່ອງປັ້ນດິນເຜົາ) ໃຊ້ວິຖີຊີວິດແບບດັ້ງເດີມໃນການເຮັດເຄື່ອງປັ້ນດິນເຜົາມາດົນນານຫຼາຍສັດຕະວັດ, ຫຼາຍຊົ່ວອາຍຸຄົນ ຫຼາຍຍຸກຫຼາຍສະໄໝ ປະຊາຊົນຊາວບ້ານຈ່ານກໍຍັງຄົງສືບທອດຕໍ່ກັນມາ.

ເຄື່ອງເງິນ

ຮ້ານເຄື່ອງເງິນຕັ້ງຢູ່ບ້ານວັດທາດ ໃຊ້ເວລາໃນການຍ່າງພຽງ 5 ນາທີ ຈາກສູນຂໍ້ມູນຂ່າວສານການທ່ອງທ່ຽວ.



ການຕີເຫຼັກ

ບ້ານຫາດຮ່ຽນ ເປັນບ້ານຊ່າງຕີເຫຼັກທີ່ມີຊື່ສຽງຂອງຫຼວງພະບາງ, ມີດທີ່ເຮັດດ້ວຍມື ແລະ ເຄື່ອງມືການກະເສດອື່ນໆ ມີຂາຍຢູ່ທີ່ນີ້.


ການຈັກສານໄມ້ໄຜ່

ທ່ານອາດສັງເກດເຫັນກະຕ່າໄມ້ໄຜ່ຂະໜາດໃຫຍ່ຕາມແຄມຖະໜົນຢູ່ຂ້າງທາງ, ກະຕ່າທັງຫຼາຍນີ້ມາ ຈາກບ້ານດອນແກ້ວ ການເດີນທາງເຂົ້າໄປບ້ານດອນແກ້ວແມ່ນໃຫ້ລ້ຽວຊ້າຍເຂົ້າໄປຈາກບ້ານຜານົມ ປະມານ 2 ກິໂລແມັດ.