ວັດອື່ນໆໃນນະຄອນຫຼວງພະບາງ

ວັດອື່ນໆໃນນະຄອນຫຼວງພະບາງ


ຫຼວງພະບາງມີວັດວາອາຮາມຫຼາຍແຫ່ງທີ່ໜ້າທ່ຽວຊົມ ໃນລະຫວ່າງທີ່ທ່ານທ່ອງທ່ຽວຢູ່ນະຄອນຫຼວງພະບາງ.

Visual Portfolio, Posts & Image Gallery for WordPress

ວັດແສນ

ຕາມການບອກເລົ່າວ່າ ຊື່ຂອງວັດແສນ ແມ່ນໄດ້ມາຈາກການບໍລິຈາກເງີນໜື່ງແສນກີບ(100.000 ກີບ) ເພື່ອໃຊ້ເຂົ້າໃນການກໍ່ສ້າງວັດ ໃນປີ 1818 ແລະ ມີການປະຕິສັງຂອນ ໃນປີ 1957 ເນື່ອງໃນໂອກາດຄົບຮອບ 2500 ປີຂອງການກຳເນີດພະພຸດທະເຈົ້າ, ພ້ອມນີ້ວັດແສນຍັງເປັນບ່ອນເກັບຮັກສາເຮືອຊ່ວງ ຈຳນວນສອງລໍາທີ່ໃຊ້ໄວ້ແຂ່ງຂັນໃນງານບຸນ ຊ່ວງເຮືອປະຈຳປີ.
ເປີດທຸກມື້້ເລີ້ມຕັ້ງແຕ່ເວລາ 9:00 – 21:00 ໂມງ ເຂົ້າຊົມຟີ.
ການເຂົ້າເຖິງ: ວັດແສນຕັ້ງຢູ່ຖະໜົນສັກກະລິນ ຖັດຈາກສູນ ອອກ ພົບ ຕົກ.

Visual Portfolio, Posts & Image Gallery for WordPress

ວັດອາຮາມ

ວັດອາຮາມ ຖືກສ້າງຂື້ນຄັ້ງທຳອິດໃນປີ 1527 ເຊິ່ງວັດໃນປັດຈຸບັນ ຖ້າຫວນຄືນກັບໄປໃນປີ 1818 ແມ່ນມີທາດເກົ່າແກ່ສອງທາດຢູ່ໜ້າວັດ ທີ່ເກັບຮັກສາກະດູກຂອງຄົນທີ່ລິດເດດອິດທິພົນຈາກອາດີດ, ແຕ່ສິ່ງທີ່ເຮັດໃຫ້ວັດແຫ່ງນີ້ມີເອກກະລັກທີ່ໂດດເດັ່ນແມ່ນຮູບປັ້ນຍັກໃຫ່ຍສອງໂຕ ແລະ ຕົ້ມປາມຂະໜາດໃຫ່ຍທີ່ກວມເອົາພື້ນທີ່ໃນບໍລິເວນວັດ ຖ້າທ່ານກຳລັງຊອກຫາບ່ອນຍ່າງທີ່ຮົ່ມເຢັນຂອງວັດ ນີ້ແມ່ນສະຖານທີ່ ທີດີທີ່ສຸດ. ຕົ້ນໄມ້ນີ້ບໍ່ພຽງແຕ່ສວຍງາມເທົ່ານັ້ນ ແຕ່ມັນຍັງມີຄວາມໝາຍ ດ້ານວັດທະນະທຳຂອງເມືອງ ດັ່ງທີ່ປະຊາຊົນເຊື່ອກັນວ່າຕົ້ນໄມ້ນີ້ເປັນທີ່ຢູ່ອາໄສຂອງເທວະດາຫຼວງ ຫຼືເທບພະເຈົ້າຍາດາອາລັກ ຜູ້ທີ່ຄອຍປົກປັກຮັກສາຊາວເມືອງໃຫ້ຢູ່ເຢັນເປັນສຸກ, ກະສັດໃນອະດີດໄດ້ນຳເອົາເບ້ຍໄມ້ມາຈາກປະເທດອິນເດຍໃນປີ 1950 ແລະ ໄດ້ນຳມາປູກໃນພື້ນທີ່ວັດ.
ເປີດທຸກມື້້ເລີ້ມຕັ້ງແຕ່ເວລາ 9:00 – 21:00 ໂມງ ເຂົ້າຊົມຟີ.

Visual Portfolio, Posts & Image Gallery for WordPress

ວັດມະໂນລົມ

ນັກທ່ອງທ່ຽວສ່ວນຫຼາຍຈະເບິ່ງຂ້າມວັດມະໂນຣົມໄປ ຍ້ອນວັດນີ້ບໍ່ຕັ້ງຢູ່ໃກ້ກັບເສັ້ນທາງໃຫຍ່ ແຕ່ຄັ້ງໜຶ່ງ ວັດແຫ່ງນີ້ເຄີຍເປັນບ່ອນປະດິດສະຖານຂອງພະພຸດທະຮູບເກົ່າແກ່ທີ່ສຸດໃນປະເທດ ແລະເປັນທີ່ຮູ້ຈັກກັນດີໃນຊື່ພະບາງ, ເຊື່ອວ່າໄດ້ສ້າງຂື້ນໃນປີ 1378 ໃນໄລຍະທຳອິດອົງພະບາງມີນໍ້າໜັກ 12 ໂຕ່ນ ກ່ອນທີ່ອົງພະບາງຈະຖືກທຳລາຍບາງສ່ວນ ໃນລະຫວ່າງທີ່ຫໍ່ທຸງດຳເຂົ້າມາຮຸກຮານເມືອງ ໃນປີ 1887 ແລະ ໃນໄລຍະການຕໍ່ສູ້ໃນທ້າຍສັດຕະວັດທີ່ 19 ຝຣັ່ງເສດ-ສະຫຍາມ ມີຂ່າວລືກັນວ່າແຂນຂອງ, ມີຂ່າວລືວ່າແຂນຂອງພະພຸດທະເຈົ້າອົງດັ້ງເດີມຖືກຊາວຝຣັ່ງເສດຍຶດໄປຄອບຄອງ ແລະ ເມື່ອວັດຖືກບູລະນະສ້ອມແປງຄືນໃນປີ 1972 ແຂນໃໝ່ຂອງພະພຸດທະຮູບກໍ່ໄດ້ຖືກສ້າງຂື້ນດ້ວຍປູນຊີເມັນ ແລະ ຮູບປັ້ນຖືກຫໍ່ຫຸ້ມເພື່ອປົກປັກຮັກສາໄວ້ໃນອານາຄົດ.
ເປີດບໍລິການທຸກມື້ ເວລາ 8:00 – 17:00 ເຂົ້້າຊົມຟີ
ການເຂົ້າເຖິງ: ວັດມະໂນ ຕັ້ງຢູ່ທິດຕາເວັນຕົກສ່ຽງໃຕ້ຂອງໃຈກາງເມືອງ ຖັດຈາກໂຮງແຮມບ້ານລາວ.

Visual Portfolio, Posts & Image Gallery for WordPress

ວັດທາດຫຼວງ

ວັດທາດຫຼວງ ຫຼືເອີ້ນວ່າວັດເຈດີຫຼວງ ເຊິ່ງມີສາຍພົວພັນອັນເລິກເຊິ່ງກັບພະລາສະວົງ(ເຈົ້່າຊີວິດ) ເຊື່ອກັນວ່າເປັນວັດທຳອິດຂອງຫຼວງພະບາງທີ່ເຄີຍຕັ້ງຢູ່ນີ້. ເຊິ່ງຕັ້ງຢູ່ດ້ານຫຼັງສະໜາມກິລາເກົ່າທີ່ມີເນື້ອທີ່ກວ້າງຂວາງ ຫຼືເອີ້ນວ່າເດີ່ນທາດຫຼວງ, ອາຄານວັດໃນປະຈຸບັນໄດ້ຖືກສ້າງຂຶ້ນໂດຍເຈົ້າຊີວິດມັງທາລາດໃນປີ 1818 ເຖິງປີ 1975, ສະຖານທີ່ດັ່ງກ່າວໃນເມື່ອກ່ອນແມ່ນຖືກນຳໃຊ້ເປັນບ່ອນຝັງສົບ ແລະການຈູດເຜົາສົບຂອງຜູ້ນຳສູງສຸດຂອງປະເທດ, ເນື່ອງຈາກວັດນີ້ມີພະສົງ ແລະ ສຳມະເນນອາໄສຢູ່ເປັນຈຳນວນຫຼາຍ ຈື່ງເປັນສະຖານທີ່ ທີນິຍົມສຳລັບການໄປເບີ່ງພິທີກຳທາງສາສະໜາ ແລະຊີ ວິດປະຈຳວັນຂອງພະສົງ, ສຳມະເນນ, ຢູ່ດ້ານໜ້າຂອງວັດມີຫໍຄອຍສູງ ໃນເວລາ 4 ໂມງເຊົ້າຂອງມື້ຂື້ນ 15 ຄໍ່າ ແລະ ມື້ແຮມ 15 ຄໍ່າ ສຳມະເນນຈະຕີກອງຫຼວງ, ຖ້າທ່ານມາທ່ຽວຊົມໃນຊ່ວງເດືອນສິງຫາ-ກັນຍາ ກ່ອນງານບຸນຊ່ວງເຮືອປະເພນີ ທ່ານຈະໄດ້ເຫັນປະ ຊາຊົນທ້ອງຖິ່ນສ້ອມແປງເຮືອ ແລະ ການແຕ້ມລວດລາຍເຮືອຂອງນັກສີພາຍ.
ເປີດບໍລິການທຸກມື້ ເວລາ 8:00 – 17:00 ເຂົ້້າຊົມຟີ
ການເຂົ້າເຖິງ: ວັດທາດຫຼວງ ຕັ້ງຢູ່ດ້ານຫຼັງຂອງເດີ່ນທາດຫຼວງ.

ເປີດບໍລິການທຸກມື້ ເວລາ 8:00 – 17:00 ເຂົ້້າຊົມຟີ
ການເຂົ້າເຖິງ: ວັດທາດຫຼວງ ຕັ້ງຢູ່ດ້ານຫຼັງຂອງເດີ່ນທາດຫຼວງ.

Visual Portfolio, Posts & Image Gallery for WordPress

ວັດພະບາດໃຕ້

ການປະສົມປະສານຂອງສະຖາປັດຕະຍະກຳລາວ ແລະຫວຽດນາມ ວັດທີ່ມີຄວາມງົດງາມແຫ່ງນີ້ເປັນວັດໜື່ງ ໃນບັນດາວັດທີ່ມີເອກະລັກສະເພາະທີ່ສຸດໃນຫຼວງພະບາງ. ພາຍໃນວັດປະກອບດ້ວຍຫ້ອງໂຖງໃຫຍ່ ເຊິ່ງເປັນຫ້ອງນັ່ງສະມາທິ, ຫ້ອງໂຖງສີ່ຫລ່ຽມເປັນບ່ອນປະດິດສະຖານຂອງພະພຸດທະຮູບນອນສີທອງ. ຢູ່ທາງຫລັງຂອງວັດທ່ານຈະເຫັນຂັ້ນໄດຍ່າງໄປຫາລະບຽງຂະໜາດນ້ອຍທີ່ສາມາດເບີ່ງເຫັນແມ່ນໍ້າຂອງ ເຊິ່ງເໜາະສຳລັບເບີ່ງພະອາທິດອັດສະດົງ ແລະໃນດ້ານດຽວກັນທ່ານຈະເຫັນຮອຍຕີນພະພຸດທະບາດຂະໜາດໃຫ່ຍ ແລະ ຖໍ້າຄອນກຣີດຂະໜາດນ້ອຍທີ່ສ້າງຂື້ນເພື່ອປົກຫຸ້ມ, ປະຊາ
ຊົນມັກຈະມາຂໍພອນທີ່ນີ້.
ເປີດບໍລິການທຸກມື້ ເວລາ 8:00 – 17:00 ເຂົ້້າຊົມຟີ
ການເຂົ້າເຖິງ: ວັດພະບາດໃຕ້ ຕັ້ງຢູ່ທາງໄປນໍ້າຕົກຕາດກວາງສີ.

Visual Portfolio, Posts & Image Gallery for WordPress

ວັດສຸວັນນະຄີລີ

ສ້າງໂດຍພະຍາຈັນເທບ ເມື່ອ ຄ.ສ 1737 ໃນລາຊະສະໄໝພຣະເຈົ້າອິນທະໂສມ ຕໍ່ມາຊາວບ້ານໃນບໍລິເວນໃກ້ຄຽງວັດໄດ້ຮ່ວມກັນບູລະນະຂຶ້ນມາໃໝ່ດັ່ງທີ່ເຫັນໃນປະຈຸບັນ ພຣະອຸໂປສົດ ມີລັກສະນະຄ້າຍວັດທາດຫຼວງ ແຕ່ມີຂະໜາດນ້ອຍກວ່າ, ແບ່ງອອກເປັນ 3 ຫ້ອງຕາມຍາວ ແລະ 6 ຫ້ອງຕາມຂວາງ ໂຫ່ງທີ່ເປັນຮູບນາກນັ້ນມີລວດລາຍຈືດຈາງ ປະຕູທຸກດ້ານມີຂັ້ນໄດທາງຂຶ້ນ ຍົກເວັ້ນທາງທິດໃຕ້ຊຶ່ງໄດ້ທຸບອອກຕອນບູລະນະໃນປີ ຄ.ສ 1960 ດ້ານຂ້າງທາງທິດໃຕ້ມີພະ ທາດອົງໜຶ່ງມີຖານເປັນຮູບສີ່ຫລ່ຽມ.

Visual Portfolio, Posts & Image Gallery for WordPress

ວັດໜອງ

ວັດໜອງ ສີຄູນເມືອງ ຕັ້ງຢູ່ທາງທິດຕາເວັນອອກສ່ຽງເໜືອຂອງນະຄອນຫຼວງພະບາງ ເຊິ່ງຕິດກັບໂຮງຮຽນວິຈິດສິນ, ຖືກສ້າງຂື້ນໃນປີ ຄ.ສ ໑໗໒໙ ໂດຍເຈົ້າຫ້າງ ໃນລາດຊະການແຜນດິນຂອງພະເຈົ້າອົງນົກ, ພຸດທະສິມມາຂອງວັດນີ້ເປັນຮູບແບບທຳມະດາ, ຫຼັງຄາຊ້ອນເປັນສາມຖ້ານ ປະດັບດ້ວຍຍອດຊໍ່ຟ້າ ໑໗ ຍອດ ແລະໂງ່ຫົວນາກ, ທາງພື້ນຝາພະໜັງປະດັບປະດາດ້ວຍດອກດວງທີ່ແກະສະຫຼັກຜອກຄຳໃນສີລະປະແບບລາວບູຮານທີ່ດັ້ງເດີມ, ອາຄານປະກອບມີ ອາຣາມ, ກຸດຕິສົງ, ຫໍກອງ, ຫໍໄຫວ, ຫໍແຈກ, ອູບມົງ.

Visual Portfolio, Posts & Image Gallery for WordPress

ວັດສີພຸດທະບາດ

ໃນປະຈຸບັນປະກອບດ້ວຍວັດໃນບໍລິເວນດຽວກັນ 3 ແຫ່ງຄື ວັດປ່າແຄ, ວັດປ່າຝາງ ຫລື ວັດຊຽງງາມ ແລະ ວັດພະບາດເຫນືອ, ພາຍໃນວັດມີຈຸດເດັ່ນຢູ່ທີ່ ຮອຍພະພຸດທະບາດເທິງເນີນພູກ່ອນເຖິງຍອດພູສີ ຖືເປັນວັດຄູ່ກັບ ວັດພະບາດໃຕ້, ໃກ້ກັບຮອຍພະພຸດທະບາດ ມີສາລາຊົມວິວ ສາ ມາດເບິ່ງເຫັນວິວທິວທັດຂອງແມ່ນ້ຳຄານ ແລະ ພູເຂົາທີ່ອ້ອມຮອບທາງທິດຕະເວັນອອກສຽງໃຕ້ ໄດ້ກວ້າງໄກສຸດສາຍຕາ, ບໍລິເວນທາງຂຶ້ນພູສີເບື້ອງແຄມແມ່ນ້ຳຄານ ມີພະທາດ 3 ອົງຕັ້ງຍັ້ງຍາຍ ເຊື່ອກັນວ່າພະທາດອົງທີ່ຫຸ້ມດ້ວຍແຜ່ນທອງແດງ ແລະ ປະດັບດ້ວຍຊໍ່ຟ້າ 7 ຊັ້ນພາຍໃນບັນຈຸອັດຖິ ພຣະເຈົ້າຈັນຊາດ ພຣະອຸໂປສົດ ມີລັກສະ ນະສິລະປະແບບລັດຕະນະໂກສິນຕອນຕົ້ນ, ສ່ວນວັດປ່າຝາງ ຫລື ວັດຊຽງງາມ ສ້າງໃນສະໄໝພະເຈົ້າອະນຸລຸດ (ຄ.ສ 1779-1718) ເປັນວັດສິລະປະ ແບບລ້ານຊ້າງທີ່ຊັດເຈນຫລາຍ ປະຈຸບັນໄດ້ຮັບການບູລະນະຂຶ້ນໃໝ່ໂດຍການສະໜັບສະໜູນຂອງ “ອົງການມໍລະດົກໂລກ” ວັດປ່າແຄ ສ້າງໂດຍພະເຈົ້ານັນທະຣາດ ໃນ ຄ.ສ 1853 ຕົວສິມເປັນສິລະປະແບບວຽງຈັນ.

Visual Portfolio, Posts & Image Gallery for WordPress

ວັດຫໍສ່ຽງ

ວັດຫໍ່ສ່ຽງ ຕັ້ງຢູ່ໃຈກາງນະຄອນຫຼວງພະບາງ ທາງທິດເໜືອຕິດກັບໂຮງແຮມອາວານີ, ທາງທິດໃຕ້ຕິດກັບວັດທາດນ້ອຍ, ສ້າງຂຶ້ນໃນສະໄໝພະເຈົ້າໄຊເສດຖາທິລາດ ຄ.ສ 1548, ເຊັ່ນດຽວກັນກັບວັດພະມະຫາທາດ (ວັດທາດນ້ອຍ), ພຸດທະສິມມາຂອງວັດນີ້ເປັນຮູບແບບທຳມະດາ, ຫຼັງຄາເປັນສາມຖ້ານ ປະດັບດ້ວຍຍອດຊໍ່ຟ້າ, ໂງ່ຫົວນາກ ແລະ ດອກດວງພອກຄຳທີ່ສວຍງາມໃນຮູບແບບສີລະປະອັນປານີດຂອງສະກຸນຊ່າງຫຼວງພະບາງ, ທາງດ້ານໜ້າປະດັບດ້ວຍຮວງເຜິ້ງ 3 ຮວງ, ສ່ວນທາງລຸ່ມປະຕູເຂົ້າແມ່ນມີນາກ 3 ຫົວຢູ່ສອງເບື້ອງ ແລະ ຍັງມີຂັ້ນໄດທາງຂື້ນສູ່ວັດມີຮູບປັ້ນຫຼໍ່ສັງເງືອກອົມພະຍານາກ, ອາຄານປະກອບມີ ອາຣາມ, ກຸດຕິສົງ, ຫໍແຈກ, ຫໍໄຫ້ວ, ອູບມົງ, ສາລາທຳ ແລະ ກຸດຕິແມ່ອອກຂາວ.

Visual Portfolio, Posts & Image Gallery for WordPress

ວັດ​ອາ​ໄພ

ວັດອາໄພ ສ້າງຂຶ້ນໃນປີ ຄ.ສ 1529 ໂດຍພໍ່ຄ້າທີ່ມາຈາກທາງໃຕ້ ໃນສະໄໝເຈົ້າໂພທິສາລາດ ແຕ່ກ່ອນວັດນີ້ ມີຊື່ວ່າ ວັດໄຫໄພປາແດກ ຕໍ່ມາປ່ຽນຊື່ເປັນວັດອາໄພໃນປັດຈຸບັນ, ວັດນີ້ ຫັນໜ້າໄປທາງທິດຕະເວັນອອກສຽງເໜືອ ມີລັກສະ ນະຄ້າຍຄືກັບວັດໝື່ນນາ ດ້ານຫລັງມີພຣະທາດສີຄຳ ຊຶ່ງບູລະນະໃນປີ ຄ.ສ 1969 ແທນທີ່ຕັ້ງຂອງພະທາດອົງເກົ່າທີ່ພັງທະລາຍລົງ.

Visual Portfolio, Posts & Image Gallery for WordPress

ວັດ​ທາດ​ນ້ອຍ

ວັດ​ທາດ​ນ້ອຍ ຕັ້ງ​ຢູ່​ໃຈ​ກາງ​ນະ​ຄອນຫຼວງ​ພະ​ບາງໄປ​ທາງ​ທິດ​ໃຕ້, ທາງ​ທິດ​ເໜືອ​ຕິດ​ກັບ​ວັດ​ຫໍ​ສ່ຽງ, ທາງ​ທິດ​ໃຕ້​ຕິດ​ກັບ​ວັດ​ທາດຫຼວງ ເຊິ່​ງ​ສ້າງ​ຂື້ນ​ໃນ​ປີ ຈ.ສ 910, ພ​.ສ 2091 ກົງ​ກັບ ຄ.ສ 1548 ໂດຍ​ພະ​ເຈົ້າ​ໄຊ​ຍະ​ເສດ​ຖາ​ທິ​ລາດ, ພຸດທະສິມມາຂອງວັດນີ້ເປັນຮູບແບບທຳມະດາ,  ຫຼັງຄາຊ້ອນເປັນສາມເທີບ ປະ​ດັບ​ດ້ວຍ​ໂງ່​ຫົວ​ນາກ ພື້ນ​ຝາ​ຜະໜັງ​ດ້ານ​ໜ້າ​ປັ້ນ​ນູນ​ຕ່ຳ​ດ້ວຍ​ຊີ​ມັງ​ເລື້ອງ​ສີ​ທົນ-​ມະ​ໂນ​ລາ ປະ​ດັບ​ດ້ວຍດອກດວງ​ທີ່​ແກະ​ສະ​ຫຼັກ ແລະ​ພອກ​ຄຳ​ຢ່າງ​ສວຍງ​າມ​ແບບ​ສີ​ລະ​ປະ​ລາວ​ບູ​ຮານ​ທີ່ດັ້ງ​ເດີມ, ວັດ​ແຫ່ງນີ້​ເປັນ​ໜື່ງ​ໃນ​ສະຖານທີ່​ສຳ​ຄັນ​ໃນ​ການ​ຈັດ​ພິ​ທີ​ກຳ​ຕ່າງໆ ໂດຍ​ສະ​ເພາະ​ການ​ຈັດ​ງານ​ບຸນ​ປີ​ໃໝ່​ລາວ​ຈະ​ມີຂະ​ບວນ​ແຫ່​ຫວໍ່​ປະ​ຈຳ​ປີ​ມາ​ຈັດ​ຕັ້ງ​ຢູ່​ວັດ​ທາດນີ້   ແ​ລ້ວ​ຈື່ງ​ເຄື່ອນ​ຍ້າຍ​ຂະ​ບວນ​ແຫ່​ຫວໍ່​ໄປ​ຫາ​ວັດ​ຊຽງ​ທອງ, ອາຄານປະກອບມີ ອາຣາມ, ກຸດຕິສົງ, ຫໍແຈກ, ຫໍໄຫ້ວ, ອູບມົງ, ສາລາທຳ ແລະກຸດຕິແມ່ອອກຂາວ.

Visual Portfolio, Posts & Image Gallery for WordPress

ວັດໂພນໄຊຊະນະສົງຄາມ

ສ້າງຂື້ນໃນປີ ຄ.ສ.1791 ໂດຍເຈົ້າອະນຸລຸດທະລາດ ຕາມປະຫວັດກ່າວວ່າ ເປັນປະເພນີ ທີ່ພະມະຫາກະສັດ ແຫ່ງນະຄອນຫຼວງພະບາງ ແລະ ເຫຼົ່າແມ່ທັບທັງຫຼາຍຕ້ອງມາເຮັດພິທີນະມັດສະການພະອົງຫຼວງ (ພະປະທານ) ເພື່ອຂໍພອນກ່ອນຈະອອກໄປຮົບທັບຈັບສຶກ ເພື່ອຊ່ວຍບັນດານໃຫ້ຊະນະສຶກ ສົງຄາມ, ໃນວັດແບ່ງເປັນ 3 ຫ້ອງຍາວ 4 ຫ້ອງຂວາງ, ພາຍຫຼັງຫ້ອງຂວາງພັງລົງ 2 ຫ້ອງ ຈື່ງໄດ້ບູລະນະຄືນ ໃໝ່ໝົດທັງຫລັງ.

Visual Portfolio, Posts & Image Gallery for WordPress

ວັດຊຽງມ່ວນ

ຕັ້ງ​ຢູ່​ທິດ​ຕາ​ເວັນ​ອອກ​ສ່ຽງ​ເໜືອ ຕິດ​ກັບ​ວັດ​ຈູມ​ຄ້ອງ, ວັດ​ນີ້ສ້າງຂື້ນ​ໂດຍ​ພະ​ຍາ​ສີ​ສົນ​ໄຊ ໃນປີ ຈ.ສ 1215 ໃນ​ລ​າດ​ຊະ​ການ​ຂອງ​ພະ​ເຈົ້າ​ຈັນ​ທະ​ລາດ, ພຸດ​ທະ​ສີ​ມາ​ຂອງວັດ​ເປັນ​ຮູບ​ແບບ​ທຳ​ມະ​ດາ ຫຼັງ​ຄາ​ຊ້ອນ​ເປັນ​ເທີ້ບບໍ່​ມີ​ຍອດ​ຊໍ່​ຟ້າ ມີ​ແຕ່​ໂງ່​ຫົວ​ນາກ, ຝ​າ​ຜະ​ໜັງ​ທາງ​ດ້ານ​ໜ້າ​ປະ​ດັບ​ດ້ວຍ​ຮວງ​ເຜິ້ງ​ທີ່​ແກະ​ສະຫຼັກ​ດອກດວງ​ພອກ​ຄຳ​ທີ່​ງົດ​ງາມ ທັງ​ຝາ​ຜະ​ໜັງ​ໃນ ແລະ​ນອກ, ສ່ວນ​ທາງ​ດ້ານ​ຂ້າງ​ປະ​ດັບ​ດ້ວຍ​ແຂນ​ນາງ, ວັດ​ດັ່ງ​ກ່າວນີ້​ເປັນ​ວັດ​ທີ່​ຕິດ​ພັນ​ກັບ​ລາດ​ຊະ​ດອນ​ມາ​ແຕ່​ດຶກ​ດຳ​ບັນໃນ​ການ​ຈັດ​ພິ​ທີ​ກຳ​ຕ່າງໆ ໃນ​ຮີດ 12 ຄອງ 14 ຕາມ​ປະ​ເພ​ນີ​ຂອ​ຊາວ​ພຸດ, ອາ​ຄານປະກອບມີ ອາ​ຮາມ, ກຸດ​ຕິ​ສົງ, ຫໍໄຫ້​ວ, ຫໍ​ກອງ ແລະ ອູບມົງ.

Visual Portfolio, Posts & Image Gallery for WordPress

ວັດປ່າໄຜ່ ມີໄຊຍາຣາມ 

ສ້າງໂດຍພຣະເຈົ້າສຸລິຍະວົງສາ ໃນລະຫວ່າງປີ ຄ.ສ 1765-1791 ມີການບູລະນະພຣະອຸໂປສົດໃໝ່ ເກືອບທັງຫລັງໃນອີກ 200 ປີຕໍ່ມາ ລັກສະນະ ພຣະອຸໂປສົດເປັນແບບສິລະປະຫລວງພະບາງໂດຍທົ່ວໄປ ຫັນໜ້າໄປທາງທິດຕະເວັນອອກສຽງເໜືອ ໃນປີ ຄ.ສ 1930 ມີການຂະຫຍາຍວັດໂດຍສ້າງພຣະອຸໂປສົດ ອີກຫລັງໜຶ່ງຫັນໜ້າໄປທາງທິດຕະເວັນຕົກສຽງໃຕ້ ມີຂະໜາດນ້ອຍກວ່າພະອຸໂບສົດຫລັງເກົ່າ ທາງດ້ານທິດເໜືອມີ ພຣະທາດຄູ່ໜຶ່ງລັກສະນະເປັນຊົງແບບປາສາດ ສຳລັບສິມ ວັດປ່າໄຜ່ ນອກຈາກຈະງົດງາມອອນຊອນ ຍັງມີຄວາມງາມທີ່ສີ ແລະ ລວດລາຍແກະສະຫລັກພ້ອມປະດັບລາຍທອງເທິງຝາສີ ແດງ.

Visual Portfolio, Posts & Image Gallery for WordPress

ວັດປາກຄານຄຳມຸງຄຸນ

ສ້າງໂດຍພະຍາຈັນເທບ ເມື່ອ ຄ.ສ 1737 ໃນລາຊະສະໄໝພຣະເຈົ້າອິນທະໂສມ ຕໍ່ມາຊາວບ້ານໃນບໍລິເວນໃກ້ຄຽງວັດໄດ້ຮ່ວມກັນບູລະນະຂຶ້ນມາໃໝ່ດັ່ງທີ່ເຫັນໃນປະຈຸບັນ ພຣະອຸໂປສົດ ມີລັກສະນະຄ້າຍວັດທາດຫຼວງ ແຕ່ມີຂະໜາດນ້ອຍກວ່າ, ແບ່ງອອກເປັນ 3 ຫ້ອງຕາມຍາວ ແລະ 6 ຫ້ອງຕາມຂວາງ ໂຫ່ງທີ່ເປັນຮູບນາກນັ້ນມີລວດລາຍຈືດຈາງ ປະຕູທຸກດ້ານມີຂັ້ນໄດທາງຂຶ້ນ ຍົກເວັ້ນທາງທິດໃຕ້ຊຶ່ງໄດ້ທຸບອອກຕອນບູລະນະໃນປີ ຄ.ສ 1960 ດ້ານຂ້າງທາງທິດໃຕ້ມີພະ ທາດອົງໜຶ່ງມີຖານເປັນຮູບສີ່ຫລ່ຽມ.

ຕາມການບອກເລົ່າວ່າ ຊື່ຂອງວັດແສນ ແມ່ນໄດ້ມາຈາກການບໍລິຈາກເງີນໜື່ງແສນກີບ(100.000 ກີບ) ເພື່ອໃຊ້ເຂົ້າໃນການກໍ່ສ້າງວັດ ໃນປີ 1818 ແລະ ມີການປະຕິສັງຂອນ ໃນປີ 1957 ເນື່ອງໃນໂອກາດຄົບຮອບ 2500 ປີຂອງການກຳເນີດພະພຸດທະເຈົ້າ, ພ້ອມນີ້ວັດແສນຍັງເປັນບ່ອນເກັບຮັກສາເຮືອຊ່ວງ ຈຳນວນສອງລໍາທີ່ໃຊ້ໄວ້ແຂ່ງຂັນໃນງານບຸນ ຊ່ວງເຮືອປະຈຳປີ.
ເປີດທຸກມື້້ເລີ້ມຕັ້ງແຕ່ເວລາ 9:00 – 21:00 ໂມງ ເຂົ້າຊົມຟີ.
ການເຂົ້າເຖິງ: ວັດແສນຕັ້ງຢູ່ຖະໜົນສັກກະລິນ ຖັດຈາກສູນ ອອກ ພົບ ຕົກ.

Visual Portfolio, Posts & Image Gallery for WordPress

ຫົວຂໍ້ອື່ນໆ ກ່ຽວກັບສາສະໜາ