ວັດປ່າໂພນເພົາ

Visual Portfolio, Posts & Image Gallery for WordPress

ວັດປ່າໂພນເພົາ

ພາບລວມ

ວັດອື່ນໆໃນເຂດຕົວເມືອງ, ຖ້າປຽບທຽບກັບວັດປ່າໂພນພະເນົາແລ້ວ ມັນຈະສວຍງາມທີ່ແຕກຕ່າງກັນໃນຫລາຍໆດ້ານ. ແຕ່ວັດປ່າໂພນເພົາແມ່ນມີຈຸດເດັ່ນດ້ານທັດສະນິຍະພາບຂອງວັດເຊິ່ງຕັ້ງຢູ່ເທິງພູສູງສາມາດເບິ່ງເຫັນໄດ້ຈາກໃຈກາງເມືອງ ເຊິ່ງສ່ອງແສງດ້ວຍສີທອງຕະຫຼອດວັນ, ອາຄານວັດປະກອບດ້ວຍລະບຽງ ທີ່ມີແປດຫຼ່ຽມສວຍງາມ ແລະວົງປ່ອງຢ້ຽມປະດັບປະດາ – ຍອດແຫຼມຂອງອາຄານເປັນສີທອງ ພາຍໃນວັດທ່ານຈະພົບເຫັນຮູບແຕ້ມທີ່ເຕັມໄປດ້ວຍສີຟ້າຂອງສະຫວັນ ແລະ ນະລົກ. ສິ່ງໜຶ່ງອີກທີ່ເຮັດໃຫ້ວັດແຫ່ງນີ້ມີຄວາມສົນໃຈທີ່ຈະໄປທ່ຽວຊົມແມ່ນການຕັ້ງຢູ່ໃນປ່າດົງດິບ, ບໍ່ວ່າທ່ານຈະຊື່ນຊົມກັບຕົ້ນໄມ້ໃນມື້ທີ່ອາກາດຮ້ອນ ຫຼືອາບແສງທອງຍາມຕາເວັນຕົກດິນ – ພວກເຮົາຄິດວ່າວັດປ່າໂພນເພົາຄວນຖືກຈັດເຂົ້າໃນລາຍການຂອງວັດທີ່ໜ້າທ່ຽວຊົມສຳລັບທ່ານ.

ເວລາເປີດ-ປິດ

ເປີດທຸກມື້ເລີ່ມຕັ້ງແຕ່ເວລາ 8:00 – 17:00 ໂມງແລງ.
ລາຄາປີ້: 20,000 ກີບຕໍ່ຄົນ.

ການເຂົ້າເຖິງ

ໄລຍະທາງປະມານ 3 ກິໂລແມັດ ໄປທາງຕາເວັນອອກຂອງເມືອງຫລວງພະບາງ ເສັ້ນທາງດຽວກັນກັບບ້ານຜານົມ (ໝູ່ ບ້ານຫັດຖະກຳ), ສາມາດເດີນທາງໄປດ້ວຍຫລາຍຮູບແບບເຊັ່ນ: ລົດຕຸກຕຸກ, ລົດຈັກ, ລົດຖີບ ຫລືຍ່າງໄດ້.

ສິ່ງທີ່ຄວນເຮັດ ແລະ ບໍ່ຄວນເຮັດ

  • ແຕ່ງຕົວໃຫ້ສຸພາບຮຽບຮ້ອຍ, ບ່າໄຫລ່ ແລະຫົວເຂົ່າຄວນປົກຫຸ້ມ, ປົດໝວກ ແລະເກີບອອກກ່ອນເຂົ້າຊົມສະຖານທີ່ສັກສິດ.
  • ເຄົາລົບພະສົງແລະສໍາມະເນນ, ສຳລັບແມ່ຍິງບໍ່ອະນຸຍາດໃຫ້ຖືກຕົວຂອງພະສົງແລະສຳມະເນນ.
  • ຫ້າມບໍ່ໃຫ້ສະແດງຄວາມຮັກໃນສະຖານທີ່ສາທາລະນະເຊັ່ນ: ການຈັບມື, ການຈູບ, ການກອດ.
  • ຫ້າມບໍ່ໃຫ້ຊື້ວັດຖຸໂບຮານໃດໆເພາະເປັນສິ່ງທີ່ຖືກຫ້າມ ແລະທ່ານຈະຖືກປັບໃໝ.
Visual Portfolio, Posts & Image Gallery for WordPress

ຫົວຂໍ້ອື່ນໆ ກ່ຽວກັບສາສະໜາ