ທໍາມະຊາດ

ທໍາມະຊາດ


ນໍ້າຕົກຕາດ ເເລະ ພູເຂົາປົກຄຸມດ້ວຍຕົ້ນໄມ້ ມີທິວທັດທໍາມະຊາດທີ່ໜ້າຕື່ນຕາຕື່ນໃຈ, ຝຸງແມງກະເບື້ອ, ໝີ ແລະ ຊ້າງ!
ຫຼວງພະບາງແມ່ນສະຫວັນ ສໍາລັບຄົນຮັກທໍາມະຊາດ.

ນໍ້າຕົກຕາດກວາງຊີ

ນໍ້າຕົກຕາດທີ່ສວຍງາມທີ່ສຸດໃນລາວ ມີຄວາມສູງປະມານ 80 ແມັດ, ຫຼຸດລົງມາເປັນຂັ້ນໆ, ມີປ່າໄມ້ອຸດົມສົມບູນອ້ອມຮອບ, ອາກາດຊຸ່ມເຢັນຕະຫຼອດປີ, ຊົມຄວາມງາມຂອງນໍ້າຕົກທີ່ມີສີຂຽວມໍລະກົດ, ທ່ານສາມາດອາບນໍ້າໄດ້ທີ່ນີ້

ພະທາດພູສີ

ຊົມທັດສະນີຍະພາບແມ່ນໍ້າຂອງ, ຊົມທິວທັດຂອງນະຄອນຫຼວງພະບາງແບບ 360 ອົງສາ ຈາກເທິງພູສີ, ຕັ້ງຢູ່ສູງສະຫງ່າໃຈກາງເມືອງ ມີຂັ້ນໄດຂຶ້ນໄປຫາຈອມພູ 328 ຂັ້ນ ກໍຈະໄດ້ສໍາຜັດກັບລົມເຢັນໆ ຊົມພະອາທິດໃກ້ອັດສະດົງໃນຍາມແລງຄໍ່າຄ້ອຍ

ຖໍ້າປາກອູ ຫຼື ຖໍ້າຕິ່ງ

ເປັນສະຖານທີ່ສັກສິດແຫ່ງໜຶ່ງ ຕັ້ງຢູ່ກົງກັນຂ້າມກັບບ້ານປາກອູ ຫ່າງຈາກນະຄອນຫຼວງພະບາງ ໄປທາງເໜືຕາມແມ່ນໍ້າຂອງປະມານ 32 ກິໂລແມັດ, ຖໍ້າຕິ່ງປະກອບມີຖໍ້າລຸ່ມ ແລະ ຖໍ້າເທິງ ມີພະພຸດພະຮູບຈໍານວນຫຼວງຫຼາຍ ເຊິ່ງປະຊາຊົນນໍາໄປປະດິດສະຖານໄວ້ແຕ່ເມື່ອກອ່ນ ເພື່ອກາລະບູຊາ

ນໍ້າຕົກຕາດແສ້

ລະດັບນໍ້າຫຼາຍ ຫຼື ໜ້ອຍຂຶ້ນຢູ່ກັບຊ່ວງລະດູການ ເປັນສະຖານທີ່ ພິເສດສໍາລັບການອາບນໍ້າ ຂີ່ຊ້າງ ຂີ່ສະລິງ ກິນອາຫານລາວແຄມນໍ້າຕົກຕາດ


ອຸທິຍານສວນແມງກະເບື້ອ

ມີແມງກະເບື້ອຫຼາຍຮ້ອຍຊະນິດທີ່ມີສີສັນແຕກຕ່າງກັນ ບິນອ້ອມຮອບຕາມບໍລິເວນປ່າດົງດິບ ເຊິ່ງທ່ານສາມາດເຫັນໄດ້ທີ່ອຸດທິຍານແຫ່ງນີ້ ຫາກຈາກນໍ້າຕົກຕາດກວາງຊີປະມານ 300 ແມັດ.

ສວນພຶກສາສາດ ຜາດັດແກ້

ພົບເຫັນຕົ້ນໄມ້ຫຼາຍຊະນິດ ທີ່ບໍ່ໜ້າເຊື່ອໃນປະເທດລາວ ແລະຮຽນຮູ້ວິທີການຂອງປະຊາຊົນທ້ອງຖິ່ນທີ່ໄດ້ນໍາໃຊ້ຕົ້ນໄມ້ຊະນິດດັ່ງກ່າວ ເພື່ອຜະລິດເປັນຢາຮັກສາພະຍາດ ແລະ ມາປຸງແຕ່ງເປັນອາຫານ ເຮັດໃຫ້ມີສຸຂະພາບແຂງແຮງ ເປັນເວລາຫລາຍສັດຕະວັດ.

ອຸດທິຍານ ນໍ້າດົງ

ເປັນນໍ້າຕົກຕາດທີ່ສວຍສົດງົດງາມ ກົມກືນກັບພູເຂົາ, ເໝາະແກ່ການໄປປິກນິກ ເຮັດກິດຈະກໍາຕ່າງໆຕາມທຳມະຊາດ ເປັນສະຖານທີ່ ທີ່ໜ້າທ່ຽວຊົມຫຼາຍ


ການລ່ອງເຮືອ

ແມ່ນ້ຳຂອງເຕັມໄປດ້ວຍມົນສະເໜ່ ທີ່ດຶງດູດຜູ້ຄົນທັງພາຍໃນ ແລະຕ່າງປະເທດ ມາທ່ຽວຊົມ, ເມື່ອທ່ານມາທ່ຽວຫຼວງພະບາງຄົນດຽວ, ຄອບຄົວ ຫຼືເປັນກຸ່ມ ທ່ານສາມາດຈັບຈອງ ເຮືອໄດ້ດ້ວຍຕົນເອງ ຕາມຈຸດບໍໃຫ້ລິການ ຫຼື ຈອງຈາກບໍລິສັດທ່ອງທ່ຽວ