ສວນອຸດທິຍານແມງກະເບື້ອ

Visual Portfolio, Posts & Image Gallery for WordPress

ສວນອຸດທິຍານແມງກະເບື້ອ

ພາບລວມ

ກ່ອນທີ່ຈະໄປຮອດນໍ້າຕົກຕາດກວາງຊີ ປະມານ 300 ແມັດ, ທ່ານຈະພົບເຫັນສວນສາທາລະນະແມງກະເບື້ອ(ກວາງ ຊີ), ເຊິ່ງໂຄງການດັ່ງກ່າວໄດ້ສ້າງຂື້ນໃນເດືອນມັງກອນ 2014 ຈາກປະເທດຮອນແລນ (Holland) ເພື່ອສ້າງສູນຄົ້ນ ຄວ້າວິໄຈ ແລະເຜີຍແຜ່ກ່ຽວກັບແມງກະເບື້ອໃນລາວ ທັງນີ້ກໍ່ເພື່ອອະນຸລັກປົກປັກຮັກສາບໍ່ໃຫ້ສູນພັນໄປ ຍ້ອນບັນຫາສິ່ງແວດລ້ອມໃນລາວ.

ເວລາເປີດ-ປິດ

ສວນສາທາລະນະແມງກະເບື້ອ(ຕາດກວາງຊີ) ເປີດໃຫ້ບໍລິການທຸກມື້ (ປິດໃນວັນອັງຄານ) ແຕ່ເວລາ 10:30 – 4:30 ໂມງ.

ຄ່າເຂົ້າຊົມ: 40,000 ກີບ / ຄົນ (ບໍ່ລວມອາຫານທ່ຽງ) 45,000 ກີບຕໍ່ຄົນ (ລວມທັງອາຫານທ່ຽງ)

ການເຂົ້າເຖິງ

ທ່ານສາມາດຂີ່ລົດຕຸກຕຸກ ຫຼືລົດຕູ້ໄປໄດ້ ແລະສາມາດແຊຄ່າລົດກັບຫມູ່ເພື່ອນໄດ້, ລາຄາແມ່ນປະມານ 50,000 – 60,000 ກີບຕໍ່ຄົນ (ໃນກໍລະນີແຊຄ່າລົດ) ແລະ 250,000 ກີບ (ໃນກໍລະນີໃຊ້ສ່ວນຕົວ), ໄລຍະທາງປະມານ 30 ກິໂລແມັດ (ທ່ານສາມາດຂີ່ລົດຄັນດຽວກັນກັບໄປນໍ້າຕົກຕາດກວາງຊີໄດ້) ສຳລັບນັກພະຈົນໄພ ສາມາດຂີ່ລົດຖີບໄປໄດ້ ໃຊ້ເວລາປະມານ 2 ຊົ່ວໂມງ ແລະຄ່າເຊົ່າລົດຖີບ ລາຄາປະມານ 20.000 ກີບຕໍ່ມື້.

ລາຍລະອຽດ

ສູນດັ່ງກ່າວ ກຳລັງຊອກຫາຜູ້ຊ່ຽວຊານດ້ານລະບົບນິຕິສາດ ແລະນັກຊີວະສາດ ເພື່ອຊ່ວຍ ແລະພັດທະນາສູນ ສວນສາ ທາລະນະແມງກະເບື້ອ ເປີດເປັນສະຖານທີ່ເພື່ອສຶກສາ ແລະປູກຈິດສຳນຶກກ່ຽວກັບຄວາມສວຍງາມ ແລະທຳມະຊາດທີ່ມີຄວາມສ່ຽງໃນປະເທດລາວ, ມີສື່ການຮຽນການສອນເພື່ອໃຫ້ຄວາມຮູ້ ແລະຄວາມເຂົ້າໃຈກ່ຽວກັບຄວາມງາມແບບທຳມະຊາດ, ສວນສາທາລະນະແມງກະເບື້ອ ຕາດກວາງຊີ ຕ້ອງການຢາກສ້າງກອງທຶນ ສຳລັບສະຖາບັນການສຶກສາເພື່ອໃຫ້ເດັກນ້ອຍໄດ້ມາຮຽນຮູ້ກ່ຽວກັບທຳມະຊາດຂອງທ້ອງຖິ່ນ.

Visual Portfolio, Posts & Image Gallery for WordPress
kuangsi-butterfly-park-luangprabang-laos