ຂໍ້ມູນພື້ນຖານ

ຂໍ້ມູນພື້ນຖານ


ວີຊ່າ ແລະ ການເຂົ້າເມືອງ

ນັກທ່ອງທ່ຽວທີ່ຈະເດີນເຂົ້າ ສປປ ລາວ ຕ້ອງມີໜັງສືຜ່ານແດນທີ່ຖືກຕ້ອງຕາມລະບຽບກົດໝາຍ, ຢ່າງນ້ອຍ 6 ເດືອນນັບຈາກມື້ທີ່ເຂົ້າມາ ສປປ ລາວ, ການເດີນທາງເຂົ້າມາ ສປປ ລາວ ນັກທ່ອງທ່ຽວຈະຕ້ອງກວດສອບໃຫ້ແນ່ໃຈວ່າ ໄດ້ຮັບການອານຸຍາດຈາກເຈົ້າໜ້າທີ່ ທີ່ກ່ຽວຂ້ອງແລ້ວບໍ່, ມີການຈໍ້າກາແຈ້ງເຂົ້າຖືກຕ້ອງຕາມລະບຽບການຫຼືບໍ່, ຖ້າບໍ່ດັ່ງນັ້ນ ເມື່ອຕໍາຫຼວດກວດຄົນເຂົ້າເມືອງຫາກກວດພົບເຫັນ ຈະໄດ້ປັບໄໝຕາມລະບຽບການທີ່ຂ້ອນຂ້າງແພງຫຼາຍ, ກະລູນນາສອບຖາມຂໍ້ມູນນໍາສະຖານທູດລາວ ກ່ອນຈະເດີນທາງເຂົ້າມາ ສປປ ລາວ.

ມີຫຼາຍວິທີສໍາລັບການຂໍວີຊ່າ ຂໍ້ກໍານົດ ແລະ ເງື່ອນໄຂຕ່າງໆ ຂຶ້ນຢູ່ກັບສັນຊາດ ບາງປະເທດກໍມີການຍົກເວັ້ນວີຊ່າ ສາມາດຢູ່ ສປປ ລາວ ໄດ້ 15 ວັນ.

ການຂົນສົ່ງ

ສະກຸນເງິນ

ສະກຸນເງິນຂອງ ສປປ ລາວ ແມ່ນໃຊ້ສະກຸນເງິນກີບ, ພັນທະບັດລາວ ເລິ່ມຕັ້ງແຕ່ ໃບ 500 ກີບ ຈົນເຖິງ 100,000 ກີບ, ລາວບໍ່ມີເງິນເງິນຫຼຽນ. ບາງໂຮງແຮມ ຫຼື ຮ້ານອາຫານ ມີການຮັບຊໍາລະດ້ວຍສະກຸນເງິນໂດລາ, ເງິນບາດ, ສໍາລັບການແລກປ່ຽນເງິນຕາມີຫຼາຍແຫ່ງຢູ່ຕາມຕົວເມືອງ ຫຼື ສາມາດແລກປ່ຽນນໍາທະນາຄານບາງແຫ່ງກໍໄດ້.

ບັດເຄຼດິດ

ການຊໍາລະເງິນດ້ວຍບັດເຄຼດິດສ່ວນໃຫຍ່ ບັດວີຊ່າ ຈະເປັນທີ່ນິຍົມກັນຫຼາຍ, ຮອງລົງມາແມ່ນ Master card ໂດຍສະເພາະສ່ວນໃຫຍ່ແມ່ນ ການຊໍາລະຢູ່ ໂຮງແຮມ ຮ້ານອາຫານ.

ອິນເຕີເນັດ

ມີຮ້ານເປີດໃຫ້ບໍລິການອິນເຕີເນັດຫຼາຍແຫ່ງໃນໃຈກາງເມືອງ ໂດຍໄດ້ຮັບຄວາມນິຍົມກັນຫຼາຍໃນເມື່ອກ່ອນ, ແຕ່ປັດຈຸບັນ ຫຼາຍສະຖານທີ່ບໍລິການນັກທ່ອງທ່ຽວແມ່ນໃຫ້ບໍລິການ ອິນເຕີເນັດ ວາຍຟານ (wifi) ເຊິງກຳລັງເປັນທີ່ນິຍົມກັນ, ບໍລິສັດໃຫ້ບໍລິການອິນເຕີເນັດມີ ລາວໂທລະຄົມ, ສະຕາໂທລະຄົມ, ໂທລະຄົມລາວ ແລະ ບີລາຍ.

ສະພາບອາກາດ

ຫຼວງພະບາງ ເປັນເມືອງທີ່ແຕກຕ່າງຈາກເມືອງອື່ນໃນລາວ ເນື່ອງຈາກຖືກອ້ອມຮອບດ້ວຍພູຜາ ມີລະດູການ ດັ່ງນີ້:

ລະດູຮ້ອນ: ເລີ່ມແຕ່ປາຍເດືອນ ກຸມພາ ອຸນຫະພູມສູງສຸດຢູ່ໃນເດືອນເມສາ ສະເລ່ຍ 39 ​ອົງສາເຊວຊຽດ, ລະດູນີ້ຈະມີຝົນຕົກ ເລີ່ມຕັ້ງແຕ່ກາງເດືອນເມສາ.

ລະດູຝົນ: ເລີ່ມຕັ້ງແຕ່ກາງເດືອນ ພຶດສະພາ ອຸນຫະສູງສຸດ ສະເລ່ຍ 40 ອົງສາເຊວຊຽດ ການເດີນທາງຊ່ວງນີ້ ແນະນໍາໃຫ້ຖືເສື້ອກັນຝົນຕິດໄປນຳ.

ລະດູໜາວ: ເລີ່ມປາຍເດືອນ ຕຸລາ ເຖິງ ຕົ້ນເດືອນ ກຸມພາ ຊ່ວງອາກາດໜາວສຸດແມ່ນ ທ້າຍເດືອນ ທັນວາ ຫາກາງເດືອນ ມັງກອນ, ອຸນຫະພຸມຕໍ່າສຸດ 4 ອົງສາເຊວຊຽດ ເປັນລະດູການທີ່ມີນັກທ່ອງທ່ຽວເດີນທາງເຂົ້າມາທ່ຽວຫຼາຍທີ່ສຸດ.

ໝາຍເລກສຸກເສີນ

  • ໜ່ວຍກູ້ໄພ 071 1625
  • ລົດດັບເພີງ 071 ​1190
  • ໄຟຟ້າ 071​ 1199
  • ເຫດສຸກເສີນ 071​​​ 191
  • ຂໍ້ມູນໂຄວິດ 071​ 165
  • ຕໍາຫຼວດທ່ອງທ່ຽວ